BÖI AREU NIHA SAMATI
"2 Tesalonika 3:1-12"
Samuza so wanofu Martin Luther ba niha Keriso, imane "Hadia nifaluada na tohare Yesu Keriso iada'a ma mahemolu ma ba ngaluo mifönada?". Oya wanema nifaehagö zamati khõnia, ba oi manõ lõ enahöi. Fanofu da'õ faudu ba nisura Waulo andre.
Ifa'ema zurania Faulo ba wamotokhi ba dõdõ zamati hadia nifaluara ba we'aso Zo'aya. I'atulö'ö wamahaö selungu si no mufa'ema khöra. Ifahaö ira ena'õ ba we'aso Zo'aya:
1. La'onorogö tödö lala halöwö Lowalangi (1-5). Ifarou ira ena'õ mangandrö salahi ndra enoni Lowalangi ba wanuriagö Turia Somuso Dõdõ.
2. Lafaehusi mbuabuara ba gotalua mbanua. No tobali dumaduma khöra Waulo ba ira enoni Lowalangi tanö bö'ö. Lafaduhu'õ wa samati ira.
3. Lalau mohalöwö ba wangalui soguna khöra. Ifa'ema Faulo wa tenga sinangea manga zi lõ mohalöwö!
Ba daroma li andre ifa'ema khöda wa böi tarorogö wa'areu, he ba wotundreheni halöwö Lowalangi ba guli danö andre, he gõi wangalui soguna khöda irugi we'aso Zo'aya Yesu Keriso. Yaitolo ita Lowalangi!