EHEHA NAMAMI ANDRÕ ZIHEDE
" -- Matai'o 10:19-20; Mareko 13:11; Luka 12:11-13"
Asese tarongo zanõtõnõtõi taroma li andre, "Eheha Namami zihede" na ero'ero lafa'ema daroma li Lowalangi. Si to'õlõ sangumanguma'õ da'a ya'ia ndra enoni nituyu ba dalu lala ba wangai huhuo (khotbah tiba-tiba).
Molo'õ ya'ira, na lahalõ huhuo sebua, Eheha Ni'amoni'õ sa'ae zihede bõrõ me no iwaõ Yesu ba Matai'o 10:19-20; Mareko 13:11; Luka 22:11-12.
Si ndruhunia, niwaõ Yesu andrõ, so'amakhaita ba nitõrõ ndra nifahaõ-Nia dania na no manahae Ia ba zorugo. Ira nifahaõ, ba la'ohe dania ba rafe sebua, lasekhegõ ira ba wanuriagõra turia Yesu, si mane nifalua khõ ndra Simoni Fetero Yohane nisura ba Halõwõ Zinenge 4.
Aombõ dõdõ ndra nifahaõ, bõrõ me lõ atuatua ira fahuhuo, mendrua manõ ba wamu'a ba hulura hadia nibõbõgõ khõra. Lõ onekhe ira wanema li na lasekhegõ ira ba rafe sebua.
Ba daõ i'aro'õ dõdõra Yesu, ena'õ bõi aombõ dõdõra me faofao khõra Geheha Ni'amoni'õ dania ba wanema fefu fanekhegõ khõra. Si mane salua ba khõ ndra Fetero Yohane, itema li andrõ fefu Fetero bõrõ Geheha (Hal. 4:8 - si no fahõna Eheha Ni'amoni'õ).
Bõrõ zi manõ, lõ tobali fangabe'e dõdõda daroma li andre, na tafa'ema huhuo sebua. Ba ginõtõ wama'ema huhuo sebua, moguna wombaso, wangalui eluaha, wamalua, ba fo'angandrõi awena dania tafa'ema ba zato.
Bõi mamalõmalõ ita ba wama'anõ tõdõda ba daroma li, awõ geluahania. Ya atuatua ita ba wombaso awõ wangalui eluaha. Ya itolo ita Lowalangi.